Wortschätzle 97 - Brauchds koine Beddlbriaf ned schigga

(Foto: handemadepictures.123rf)
Aus meine schwarze Johannisbeera mach i mir an ganz feina Likör.

Da bisch a paar Deg ned em Garda ond scho schießd dr Salaad in d’Hee ond d’Zucchini wachsed zom greaschda Glick dr Gärtner ra. Oinr war doch glatt an guada halba Meddr lang, den kosch au bloß no als Form fir s’Hackfleisch nemma – dia dauged in der Greese nedamoal mehr in d’Supp nei. Abr dr Schwob moind hald, da hod’r was fir s’Geld – hod’r ja au, bloß schmegged se nemme. Frier hod ma dia große hald de Saua gfuadred, jedzd ganged se auf da Komboschd. Abr de greane Zucchini mached hald so a Freid, wenn se wachsed, do kosch schier zugugga. Von meine Tomada kriaged de erschde au scho a Farb ond de Kohlrabi san so schee zard.
Meine schwarze Johannisbeera san ja mei ganzr Schdolz, dia san jedzd richdig reif ond send scho em Ballon, vrsengd em Schnapps ond Zuggr, um fir da Windr an feina Likör zum griaga – a guads virdl Joar daureds no, dann isch’r ferdig, do kosch mr zuageha mid dem franzesischa Cassis – mei selbrgmachder isch oifach besser. Da brauchd’r mr fei koine Beddlbriaf ned schigga, i geb koin her, do bin i geizig drmid – ganz Schwob hald.
Ond nochm Schuddla em Garda hosch undr de Fingrnegl Erd ond Dreck drundr, dass Radiesla apflanza kosch, isch hald so. Do woisch dann widdr, warum auf dr Duld a Naglbirschdle koffd hosch.

Alle weiteren Wortschätzle finden Sie hier.
4
Diesen Autoren gefällt das:
5 Kommentare
5.897
Sebastian Summer aus Aystetten | 18.07.2017 | 11:53  
20
Martha Plaseller aus Augsburg - City | 26.07.2017 | 22:20  
5.897
Sebastian Summer aus Aystetten | 26.07.2017 | 22:26  
20
Martha Plaseller aus Augsburg - City | 26.07.2017 | 22:42  
5.897
Sebastian Summer aus Aystetten | 27.07.2017 | 09:04  
Schon dabei? Hier anmelden!
Schreiben Sie einen Kommentar zum Beitrag:
Spam und Eigenwerbung sind nicht gestattet.
Mehr dazu in unserem Verhaltenskodex.