Ausser klois Enkale !

S isch endlich soweid,
mir verkünded grausses Glig heid.
Ausser Amina isch gebora,
mir hen auser Herz an di Gloi verlora.

Se hod mi zur Ahna gmachd,
ganz verschmitzd schau lachd.
Seelig schlafd di Gloi,
i spikel en Stubawaga nei.

Uf Mamas Bauch leid der kloine Schatz,
sia liebd den kuscheliga Platz!
A Kendle aus Liebe gebora,
hod mi zur Ahna erkora.

Amina Du brengschd Freid ond Frieda ins Land,
gern nehm i di an meiner Hand.
Ond zeig dir was es im Leba schees Geid,
mid dir isch des ellas a grause Freid!

Dei Baba kommd von Gambia von weid daher,
ond liabd dei Mama sehr.
Grenza en de Herza nieder reissa,
Na kennad mir Godes Kender heissa.
Bild könnte enthalten: 1 Person, sitzt
1
Einem Autor gefällt das:
Schon dabei? Hier anmelden!
Schreiben Sie einen Kommentar zum Beitrag:
Spam und Eigenwerbung sind nicht gestattet.
Mehr dazu in unserem Verhaltenskodex.