Wortschätzle 117 - D’Fidla in d’Sonna gschdregged

(Foto: Symbolfoto alicjane - 123rf.com)
 
Schee isch es bei deam Weddr ibrs Land zom Fahra. Je noch deam bliad dr Holldr no ond ma ka Bliada sammla zom Holldrblia-dasirup Asedza. Hi ond widr sigd ma au dia Fahna auf de Feldr ond drundr viele Fidla in d’He gschdregged, bei der Hidz ond der Sonn send se faschd elle zur Sonn grichd, drundr san’s meischd blasse, quaddlige Schdambfr, manchmoal abr au scheene Fiaß – abr eher selda. Ond was mached se? Erdbeer brogga – jo, es gaid se scho, des Joar isch elles a bissle frier dra. Selbrbrogged san se hald doch ginschdigr als koffd – ideal fir d’schbarsame Schwoba, wann ses ned em eigna Garda hend. Zam mid de Holdrbliada ko ma au a guade Erdbeermarmelad macha. Dia Schwoba drib em Wirttabergischa ham a bsonders Wort fir Erdbeer, dia hoißed se Breschdling, ond somit isch a Erdbeermarme a Breschdlingsgsälz. Dia do driba kenned au fir so manche Sacha andre Werdr wia onsroins. Grombira fir Gurka, Erdäbfl für Kardoffla, Traibla fir d’Johannisbeera ond eba Breschdling fir d’Erdbeera. (Stefan Gruber)
0
Schon dabei? Hier anmelden!
Schreiben Sie einen Kommentar zum Beitrag:
Spam und Eigenwerbung sind nicht gestattet.
Mehr dazu in unserem Verhaltenskodex.