Wortschätzle 119 - A aldr Heidr griagd’s Gnadabrod

Der alde Heidr isch scho 33 Joar ald. (Foto: Christine Wieser)

Des Kleingärtners Stolz sind große Gurken, Tomaten und Riesenrettiche.

Eigedlich wolld i a Gschichdle ibr an alda Heidr schreiba. Abr mir fälld nix gscheids ned drzua ei. Also a Heidr is im Schwäbischa a aldr Gaul, a Schindamere, dean ma fir nix mea hernemma ko, meischd oinr, der scho ’s Gnadabrod
griagd, der au nemme zom Schlachda daugd. Ja i ko’s mer vorschdella, wia edzd viele saged, wia ko er des bloß schreiba, de Gaul schlachda. Ja frier hod mes doa, do war ma genauso wenig sendimendal wia wenn’s oms Schnitzlmacha ganga isch. Abr Pferdefloisch isch bei ons ja heidzdag eh koi Aldrnadive mea, Pferdefleisch kriagd ma ja eh kaum, Pferdemetzger send ja a Raridäd.
Liebr vrzähl i eich, dass i scho mei erschde rode Tomad em Gärdle hab, des freid mi, abr i loss se no a baar Deg hänga, dass se au guad schmeggd – ja, ja, andre hend ageblich scho schisslweis Tomadasalat vo de oigene gessa.
Elles isch heir zfria dro, d’Johannisbeera han i scho vor zwoi Wocha ra, ond von femf Kilo hods gnua Gelee geba, dass mr da Windr iberschdehed. Abr mei
greaschdr Schdolz send meine große Gurga. Ja i woiß, a jedr Fischr hod de greaschde Hechd gfanga ond a jedr Gärdner hod de greaschde Radi, abr bei mir wern d’Radi nix. Abr i han de schenschde Gurga weid ond broid – globd’s oifach.(Stefan Gruber)
1
Einem Autor gefällt das:
Schon dabei? Hier anmelden!
Schreiben Sie einen Kommentar zum Beitrag:
Spam und Eigenwerbung sind nicht gestattet.
Mehr dazu in unserem Verhaltenskodex.