Wortschätzle 123 - Da kosch bloß obeds naus

Wenn es nicht bald regnet, könnte es sein, dass das Wasser für Gärten, Autowaschen und diverse Vergnügungen auch in unserer Region wieder rationiert wird, so wie es in den 1970er Jahren schon der Fall war. (Foto: Symbolbild amveldman 123rf.de)

Da Grend em Wind ond mid de Fiaß em kalda Wassr ko ma’s aushalda.

Lang isch’s her, dass mr’s so lang so hoiß ond faschd ohne Rega ghed hend. Do-
moals, des muass en de 70er Joar gwesa sei, hod ma koine Gärda mea giaßa, koine Audos mea wascha dirfa. Des isch de Schwoba, abr au elle andre, schwer akomma – ’s Heilig Blechle vrdregga lossa war fir viele schlimmr, als wenn elles vrdrogned wär. No god’s ja en onsrer Geged, s’Wassr wird no ned rationiert. Abr em Norda von Deitschland odr en de neie Bundesländr, do isch elles braun, verderred ond pfuuzdrogga – ’s breiched hald moal an richdiga Landrega.
Bei deam Weddr soddsch ondrdags ned so arg vill schuddla, liabr middags a längrs Peisle macha, friar afanga ond vielleichd obeds a weng längr doa.
D’Kollegin hod sich scho am Schreibdisch eigrichd: an Vendilador aufm Schreibdisch fir da Grend ond drundr d’Fiaß em kalda Wassr em wasserdichda Babierkorb – so ko mas aushalda.
Eigedlich sodd ma dirfir obeds a weng zom Läfla ganga end Schdad nei wenn’s kialr werd, odr en da Biergarda, auf alle Fäll sod mas Weddr ausnudza, dr Herbschd isch eh bald em Komma ond dann kennad mr gwieß ibr dean genauso jammra, wia ibr den vill z’hoißa ond droggna Sommr.
2
Diesen Autoren gefällt das:
1 Kommentar
7.813
Sebastian Summer aus Aystetten | 11.08.2018 | 19:40  
Schon dabei? Hier anmelden!
Schreiben Sie einen Kommentar zum Beitrag:
Spam und Eigenwerbung sind nicht gestattet.
Mehr dazu in unserem Verhaltenskodex.