Wortschätzle 126 - Rasiera muass ma Gsichd, Zäh ond Fiaß

Rasiera will glernd sei, egal ob em Gsichd, an de Fiaß odr en dr Gosch. (Foto: Dimitri Ageev 123rf.com)
Frisch rasierd sei, des isch fei fir manche Mandr scho a scheene Sach.

Dr Ma hod ja so a gewisses Higiänebrobleam, des d’meischde Weiber ned hend. Er muass sich rasiera. Manche saged, es gäb Weibr midem gleicha Brobleam an de Fiaß ond manche hebed sogar Hoar in der Gosch auf de Zäh, abr isch’s bewießa?
Mit am Nassrasierer mit Klinga isch es hald am grindlichschda. Drogga rasiera isch hald bloß fir faule ond feige Mandr. Es fiehld sich nochem nassa Rasiera so schee glatt an, wia d’Haud von am Babyfiedla – wobei i mei Gsichd nia ned en ra Windl wiedrfinda mechd. Gud isch, wenn’s glabba
duad, dr Schaum aus dr Soif agriared isch, dr Rasierbinsl schee voll isch ond d’Haud midem warma Schaum eigschdricha isch ond woichd. Mit dr Klinge ganz sanfd ibrd Haud driber gfahra, d’Hoar abgschnidda – a scheens Gfiahl. Aber wehe es isch a Falde em Weag, scho weards komblizierd, odr wenn Suierla, so kloine Biezela oder Pickel, em
Weag send ond ma se abschneid. Odr ma mid’m Rasierer seidlich rudschd ond a Schnidd in dr Haud isch. Scho laufds Bluad, ond aufhera duads so schnell ned.
Wenn dann glei ferdig bisch, ischs Waschbegga rod eigfärbd, d’Lädsch brennd vom Rasierwassr ond kloine Fedzela vom Klobabier bebbed em Gsichd. Edzd wissedr warom die moderne Hibschdr, die jungen Kerle mit Vollbard, ihr Graut widdr wachsa lossed, dia kenned elle be-schdimmd koi Bluad ned seha.
3
Diesen Autoren gefällt das:
Schon dabei? Hier anmelden!
Schreiben Sie einen Kommentar zum Beitrag:
Spam und Eigenwerbung sind nicht gestattet.
Mehr dazu in unserem Verhaltenskodex.