Wortschätzle 127 - Dr Schogladniglaus däd schmelza

Wenn Schokoladenlebkuchen zu warm werden, dann schmilzt der Überzug. (Foto: Symbolbild tunedin 123rf.com)
Schokoglasuren bringt man bei Hitze nicht unbeschadet bis nach Hause.

Alles isch des Joar vier Wocha frier dra odr isch wia’s no nia war. Warm isch es scho em Abril wora, dr Sommr war em Mai scho da. Pankraz ond Sophie send aus-gfalla, ’s Gmias isch gwagsa wia selda. Im Auguschd hods ned gregned. Des Oinzige des isch wias emmr war: Zom Blärrerafang hods gregnet –
duad mir ja leid fir d’Aus-schdellr, abr wenigschdens auf dia Umschdänd isch Verlass.
Was au ned isch wia jeds Joar, zom 1. Sebdembr hab i no koine Lebkuacha gseha. Warscheinlich hend Subbr-märgd koin Bladz en de
Kiahlheisr ghed, d’Schogladlebkuacha zom Lagra, odr se schdadd dr Milch en de
Kiahldruha nebem Saurrahm ond em Schdingrkäs azbieda. Abr de meischde Subbrmärgd hend heidzdag ja a Klimaalag.
Wenn dann nauskomma wärsch end Hidz, wär dr da Schoglad glei gschmolza. Genauso bei de Advendskalendr mit Schoglad drin. Wia guad, dass no koine Schogladnigleis gibd, wia däded dia bloß ausgugga?
Aber edzd hend mir ja a baar kiahlere Deg ghed, ond no a baar warme solled komma – es herbschdaled.
Abr mir kenned abwarda, em Sebdembr isch Herbschd ond ab Herbschd gibds Lebkuacha – kaufds liebr dia mit Zuggr-glasur als mit Schoglad, dia isch ned so hidzeempfindlich, schmilzd ned. Odr nemmed glei Schbegulazius odr an Schdolla, dia gibds au scho.
Dengd dra, edzd send’s koine vier Monad mea bis Weihnachda, noi, en vier Monad isch scho 2019 – wia bloß d’Zeid vergod.
0
Schon dabei? Hier anmelden!
Schreiben Sie einen Kommentar zum Beitrag:
Spam und Eigenwerbung sind nicht gestattet.
Mehr dazu in unserem Verhaltenskodex.