Wortschätzle 130 - Ned am falscha End schbara

A saggrischs Gwiddr hods am Sonndig ghed. (Foto: Symbolbild Marc Rossmann 123rf.com)
Dr Herbschd isch am Sonndig mid am mords Sauweddr komma.

Dauernd hab i d’Sirena gheard ond Feirwehr au, abr die weared dia ganze
Sonndignachd fleißig zom doa ghabd haba, alle megliche Kellr auszbumba noch
deam Gwiddr ond deam heftiga Unweddr obed. A Lob auf d’Feirwehr. Wer da Kellr vollr Wassr hod, der werd dia Nachd eh kaum mea ens Bedd komma sei ond hod wohl blos ghoffd, am End wenigschdens
d’Fiaß ens warme Wassr dunga zom kenna.
Meine Fenschdr em Wohnzimmer send ja au scho ziemlich ald ond no aus Holz. Aber wenn dr Rega horizondal kommd wega
deam Schdurm, dann druggd’s ondr Umschdänd s’Wasser bei de zuane Fenschdr rei – desmoal au widdr, abr mei Vermiedr dengd sich nix drbei ond will se ned richda, aber edzd muass was gschea. Also i moin edzd ned, dass i zammabudza muass, sondrn dass der neie Fenschdr nei mached. So kos nemme weidr geha. Edzd send se fällig. Schbara isch ja schwäbisch ond ganz guad, aber ned am falscha End. Dr Herbschd isch edzd hefdig bei ons akomma.

Die negschde vier Wocha gibds koi Wortschätzle ned, i be widder moal em Urlaub!
2
Diesen Autoren gefällt das:
Schon dabei? Hier anmelden!
Schreiben Sie einen Kommentar zum Beitrag:
Spam und Eigenwerbung sind nicht gestattet.
Mehr dazu in unserem Verhaltenskodex.