Wortschätzle 140 - Tulpa en de Subbrmärgd

Tulpa em Windr send scho schea.
Deg weared scho längr, de dungle Zeid god langsam vorbei. Irgedwia mergd ma, dass Deg scho widdr länger weared, namidags um Fimbfe isch Ende Januar nemme
kuahranzanachd sondern bloß no dämmrig. Schee isch d’Aussichd auf widdr mea Lichd. Isch scho 14 Deg her, dass i de erschde Tulpa em Subbrmargd kaufd hab, ’s wared gelbe. Tulpa san so de erschde Boda, dass dr Frialing gar nemme so weid weg isch. Abr ma woiß ja ned woher se dia Bluma eikaufd hend, wia weid dia scho romgreisd send. Ond heid han i no de erschde Narzissa gseha – Oschdrglogga kosch ja ned saga, Oschdra isch heier ja no so weid weg. Abr egal, dia erschde Boda, dass dia dungle Zeid vergod, san do. Ond i grfei mi – au wenn i dr Windr mog. Dr Frialing isch scho echd schee. I ko mi erinnra, dass mer em Februar scho draußa en am gschidzda
Eggle em Biergarda mid dr Wolldegg auf de Gnui en dr Sonn was drunga hend.
Abr dia Deg miss mer emmer no aufbassa, dass mer auf de Eisbladda ned ausrudsched. Dr Windr isch no lang ned vorbei. Da ko scho nomml a Schnea komma.
3
Diesen Autoren gefällt das:
Schon dabei? Hier anmelden!
Schreiben Sie einen Kommentar zum Beitrag:
Spam und Eigenwerbung sind nicht gestattet.
Mehr dazu in unserem Verhaltenskodex.