Wortschätzle 142 - A Giger vom Schbieß isch guad

So missed se auf em Schbieß ausschaua.
Erschd Nägl ond Schrauba kaufa, dann grillde Geggala mid hoim brenga

Vergangens Wochaend hod’s amoal widdr an Giger gea, mei war der guad, so gnuschbrig, so safdig ond resch. I han dean vo so am Schdand vor em Baumargd gholed, wo glei segs Geggala auf em Schbieß schdegged, fembfe drvo iberanand, vor am Feier dread ond bruzzled, d’Fliegela an d’Seid hibunda ond Fiaß nach henda gschdregged so underm Birzl zambunda. Beim Grilla ischs Fedd ra-drobfed, d’Haud war guad gwirzd ond ’s Fleisch isch drhoim guad von de Gnocha ra ganga. Drzua gab’s nadierlich an lauwarma selbr-gmachda Grombierasalad mit ra selbrgmachda Fleischbria ond am gloi-gschniddna Endivi drin – der war glei weg.
Zom Kaffee drnoch hod’s dann no a frischs Zobfeds gea, des i grad aus em Rohr rausgnomma han – ja freilig aus Hefadoig ond mid Zibeba drin. Wegam frischa Doig hen i deswega ja am Nochmiddag no so ’s Ranzapfeifa griagd, weil i ’s ja nianed drwarda ko, bissr richdig auskialed hod ond i eam ja allwei glei no warm essa muass – zmindeschd brobiera. An deam Samsdig han i mi ned zrighalda kenna ond au id wolla, do drzua gaids andrs Zuig, abr ned Heala ond an frischa Zobf. Zrigghalda han i mi ja au ned kenna, als i nochmiddags dann mei Sofa gsea ond mein Leib glei drauf niedr-gleagd ond a guade Schdund gruasled hen – a scheanr Nochmiddag isch’s gwea.(Stefan Gruber)
3
Diesen Autoren gefällt das:
2 Kommentare
3.990
Enrico Baumann aus Augsburg - Süd/Ost | 07.02.2019 | 13:14  
8.829
Sebastian Summer aus Aystetten | 07.02.2019 | 15:44  
Schon dabei? Hier anmelden!
Schreiben Sie einen Kommentar zum Beitrag:
Spam und Eigenwerbung sind nicht gestattet.
Mehr dazu in unserem Verhaltenskodex.