Wortschätzle 153 / I be so grandig auf dia feige Lumba

Auf de Koschda bleib i sidza ond hischrauba muass i da Schbiegl au selbr.
Wenn se allwei en da Karra neifahred ond sich nia ned melded.

I hab so a Wuad, be so grandig. Hod doch so a saggramends Seggl mir da reachde Schbiegl vo meim Heiliga Blechle agfahra, so dass er oifach bloß no an a baar Kabl von dr Diar ra hänga duad. Bleara häd i kenna vor Wuad. Dr Schada zahla isch de oi Seid, abr kaum hosch da Karra grichd, scho fahrd dr nägschde dra nei. Es isch scho de vierde Fahrerfluchd in zwoi Joar, dia mir en meiner Schdroß bassierd isch. Ond wenn i verzähla däd, wia des mid dr ledschda Fahrerfluchd gwea isch, dann däd i mi so mid dr Bolizei alega ..., dass i nix mea azeiga breichd. Azeiga – i glaub nemma dra, nudzd eh nix, ned amoal wenn deane sagsch, wer’s wohl war.
Ja hend dia Leid heidzdag koin Reschbegd mea? Wenigschdens an Zeddl ondr d’Scheibawischr kennd ma glemma: „I wars, Telefon... ruaf mi an!“
Es isch mir so was von egal, ob’s a Schwobaseggl war odr oiner, der wo andersch her komma duad. Oiner mid Audo hod au a Versicherung, ond fir so was hod ma se! I be ja a ganz griabigr Mensch, aber da kennd i fiachdig weara. Wenn i dean verdwisch, deam däd i au geara was am Karra ..., abr ma darf ja ned! Also reiß i mi zam. Grandl en mi nei ond schreib jeden auf, der an a anders Audo hifahra duad ond melds. I will elle helfa, dia so an Schada erleided. Ond a Fodo isch heidzdag mid de Handys ja au gleich gmached.
Helfds Eich gegaseidig! Mached dia feige Lumba bekannd, dia ons onsr Zuig he mached. Ond da gods edzd ned om schbarsame Schwoba, do gods om onsr Reachd onsr Eigatum. Zoigd se an, au wenn’s Schwoba send!
3
Diesen Autoren gefällt das:
2 Kommentare
1.168
Katharina Wieser aus Augsburg - City | 01.08.2019 | 19:20  
9.405
Sebastian Summer aus Aystetten | 01.08.2019 | 22:38  
Schon dabei? Hier anmelden!
Schreiben Sie einen Kommentar zum Beitrag:
Spam und Eigenwerbung sind nicht gestattet.
Mehr dazu in unserem Verhaltenskodex.