Wortschätzle - Mein Babba

Babba woisch das i dia liab han,
i dir elles saga kann.
Engele -Engele fliag hoschd mid ner gspield,
ond mit selbergmachde Pfeil uf en Bom ziald.

D Musea hoschd mer zeigd,
mer hen ons vor grause Meischder verneigd.
Im Schlossmuseum zeigschd a Menge K-Furter Schetz,
ond kennschd au dia schendsde Grillpletz!


Wia mer aus me Bettseicher a Fled macha koa,
des woischd selbschd no als alder Moa.
Ond aus ma Ahornsama an Flieger uf d'Noas,
ond Kicka uf der Strass.

I han von dir a Menge glernd,
mir ons nia vom rechda Glauba entfernd.
Mit deiner Posauna duschd God loba,
des herd God ond elle Engel da oba!
2
Diesen Autoren gefällt das:
Schon dabei? Hier anmelden!
Schreiben Sie einen Kommentar zum Beitrag:
Spam und Eigenwerbung sind nicht gestattet.
Mehr dazu in unserem Verhaltenskodex.