Wortschätzle 161 - Rabimmel, rabammel, rabumm

Isch der edzd a Mäschgerle odr dr Martin?

St. Martin, Faschingsafang ond Chrischdbaumaufschdella - scho a bissle vill fir oin Dag.
Es isch doch schea, wenn de gloine Kendr am Martinsdag wenn's langsam dungl weard, mid ihre Laderna durch d'Schdrossa ziehed ond wenn se singed "Ich geh mit meiner Laterne ..., rabimmel, rabammel, rabumm". Ond wenn ma dengd, was dia drvor scho fir a Arbed ghabd hend, bis dia Laderna baschdled, d'Liadla eigübd ond d'Kerzla azind wared. Manche Kendrgärda schdudiered ja a richdigs Schbiel ei, wia dr Heilige Martin sein Mandl zwoidoild ond ean am arma friereda Mensch gaid. Also i hab heier leidr bloß oin Ladernazug gseha.

Abr dia Woch war ja am 11. Novembr no mea los en Augschburg. War ja au Faschingsafang. Da war beschdimmd au irged so a "Römer" ondrweags, der sich vo dr Oma da alde, rode Kuchevorhang umghänd hod. Vielleichd isch so oinr bloß no med em halba Umhang hoim komma, weil eam ebbr fir da Martin ghalda hod.
Abr drmid no ned gnua, en Augschburg hod dr Mondag no mid Weihnachda zom dua ghed. Dia hend doch glatt scho dr Chrischdbaum auf em Radhausbladz aufgschdelled. I war ned dord, abr i ka's mir guad vorschdella, auf dr oina Seid dr Baum, vielleichd no mid a baar Leid dia "Oh Tannenbaum" mea odr wenigr schea gsunga hend ond auf da andra Seid a Hand voll Meschgerla, dia romghubfed send, "Hossa" grschia ond mid ra Polonäse Blankenese ibr da Bladz zoga send. Wenn dann no a Ladernaumzug drzwischba durch wär, dann häd's bassd.
Stille Nacht, rabimmel und Lach am Lech!

Wenn Sie noch alte Schwäbisch-Augsburger Begriffe kennen, melden Sie sich bitte bei der StadtZeitung bei Redakteur Stefan Gruber unter Telefon 0821/5071-254, damit wir die "vergessenen Wörter" unseren Lesern wieder bekanntmachen können. (Stefan Gruber )

Kommentare

Anmelden um Kommentare zu schreiben

 

Neueste Kommentare

Mondaufgang
1 Stunde 14 Minuten
Europas Zukunft gestalten – besser zusammen! …
4 Tage 2 Stunden
Tödlicher Unfall auf der A8 bei Adelsried
6 Tage 2 Stunden
Versteck beim Gewitter!
6 Tage 16 Stunden
Auf einem Bein
6 Tage 16 Stunden


X