Wortschätzle 162 - Abzogge aufm Plärrer em Advend

Dr Santa Claus hod bei ons nix zom melda, bloß bei de Amis. Bei ons brengd 's Chrischdkendle d'Gschenkla, ned dr Weihnachsma.

Edzd san de ledschde Wocha vor Weihnachda abrocha, nägschde Woch god ja scho dr Chrischdkindlesmargd a, der Chrischdbaum schdod ja scho. Ond was soll i saga, bei mir isch no koi "Weihnachdsfeeling" da, obwohl i meine Weihnachdsgschenkla scho faschd elle drhoim hab, bloß verpagga muas i se no.

Ab 25. Novembr kosch fir da ganze Advend nemme auf em Plärrer umasoschd dei Audo ab-schdella, do kassiereds dr edzd 2 Euro an de Wergdeg ab ond an de Wochaend 2,50 Euro - fir da Dag - a oizig Abzogge von dr Schdadt. Ond dia fimbf Wocha kombledd hend ledschds Joar 40 Euro koschd.

En de Läda verkaufed se ja scho lang Lebkuacha, de oifache ond abr au de exklusive. Ond au an Meddr Lebkuacha en dr Babbadegglschachdl kosch kaufa.
Wichdig isch edzd, dass d'Nigleis langsam ihre Bischofsgwändr sordiered ond herrichded, au dr Grampus muss drzua doa ond sei

Ruad herrichda, da Sagg bereid halda, damid er de Kendr hendrm Niglaus a weng Reschbegd beibringa duad, Angschd eijaga derf abr ned sei. Bei ons hod dr Grampus au koine Kendr ned gschlaga ond ned midgnomma!
Wird heidzdag au ned andersch sei. Abr bassed auf, dass wenn Ihr da Niglaus fir Eire Kendr bschdelled, dass er au dr richdige isch ond ned dr Weihnachdsma mid em weißa Bard ond rod azoga - mir hend hier koin Weihnachdsma ned, des isch ja bloß a Erfindung von de Amerikaner. Abr a passede rode Midz hädd i au no em Schrank ... Wenn Sie noch alte Schwäbisch-Augsburger Begriffe kennen, melden Sie sich bitte bei der StadtZeitung bei Redakteur Stefan Gruber unter Telefon 0821/5071-254, damit wir die "vergessenen Wörter" unseren Lesern wieder bekanntmachen können. (Stefan Gruber )

Kommentare

Anmelden um Kommentare zu schreiben

Neueste Kommentare

Kornblumen ....
1 Tag 7 Stunden
Roter Mohn ....
1 Tag 10 Stunden
Kornblumen ....
1 Tag 10 Stunden
Der Blick nach Gablingen mit Lützelburg.
1 Tag 18 Stunden
Buntspecht
1 Tag 18 Stunden


X