Wortschätzle 137 - Ja, der isch so vill schee!

Der Chrischdbaum hod mi vill Schnabs koschd.

Fir ’s Chrischdbaumloba muass ma allwei an guada Schnabs drhoim haba.

Nadierlich hod a jedr da schenschde Chrischdbaum von elle, egal ob se schebs, krumm, schiaf, mid zwoi Schbidz odr bloß mid oim send. Jedr schmiggd sein Baum mit scheene Chrischdbaumkugla mit Schderala, Schloifla, Figirla odr gar Lamedda. Ond ned jedr Baum muass an Schbidz kriaga.
Ledschdendlich schdod en jedem Wohnzimmer, en jedr Schduab dr schenschde Chrischdbaum der Weld. Abr ob des wergle schdimmd, des fended findige Schwoba raus ond ganged zom „Chrischdbaumloba“.
Dr Brauch isch seit em
19. Joarhunderd em ganza Siada, en Bayra ond Wirttaberg, vrbroid ond au de hiesige Schwoba hend feschdgschdelled, bei deam Brauch gibd’s was umasoschd zom Dringa. Meischd driffd ma sich en ra Grupp ond god zu Bekannde odr zom Nochbra, om da Chrischdbaum zom Loba. „Mei isch der schee, ja so vill schee!“, ond scho geids an Schnabs, ond dann saged ma des Gsädzle nomml ond ma griagd no oin. Ond der Chrischdbaumschmugg isch schee, ond de
Kugla ond grad gwachsa isch’r … ond was ma ned elles an am Chrischdbaum zom Loba fenda ka, wenn ma suachd.
Isch dr Chrischdbaum au wergle ned schee, dann ko ma sich da Baum ja au schee saufa. Ond wenn man no koin Hebfa em Gsichd hod ond no ka, dann god ma zom negschda Chrischdbaum, denn au der isch ja so vill schee …
Fir de oagneam Noch-brschafd ond dia Geschd, die allwei nemme hoim ganged missad’r an ganz rasa Schnabs drhoim haba, vielleichd ganged se dann mea.
Schdelleds doch bidde vo eire Chrischdbaim Fodos ens Internet ondr www.stadtzeitung.de, damid mer se aluaga ond entscheida kennad, wer heir da
scheanschde Chrischdbaum hod. Sonschd missad mer elle bei eich vorbei komma zom Chrischdbaumloba – des koschd eich dann richdig vill Schnabs – aber vom guada.

Kommentare

Anmelden um Kommentare zu schreiben

 

Neueste Kommentare

2 0 2 0 - die "Weltenburger Enge …
1 Woche 14 Stunden
Über 15.000 Austritte aus der katholischen Kirche …
1 Woche 21 Stunden
Neue Ausstellung von Uli Stein in Museum und …
1 Woche 5 Tage
Wege gehen
2 Wochen 14 Stunden
Fast ein alltägliches Bild, Indisches Springkraut …
2 Wochen 3 Tage


X