Wortschätzle 147 / Edzd isch obeds schee lang hell

Noch dr Zeidomschdellung kosch draußa weanigschdens no was doa.

Wenn edzd hoim kommsch, hosch echd no Zeid, was zom Macha, die Zeidom-schdellung hod scho Vordoil – aber bis di widdr dra
gweahnd hosch, des daured.
Mei Handy hod ja die Omschdellung ohne Probleme gschaffd, do gods audomadisch. D’Uhr am Backofa dia missd i selbr verschdella, aber als i’s des Moal gmergd hab, bin i scho aufglaufa. Aufgschdanda bin i ond hab a weng verdreimd drauf gugged, i hab dengd, i hab no zwoi Schond Zeid, warsch hald z’fria wach. Herrschaffd na, ’s war a Schdund schbädr als i dengd hab ond dann hod’s mr bressiered, reachdzeidig zom Schaffa zom Komma. An meim Heiliga Blechle ko i scho seid ra ganza Weile d’Uhr ned verschdella, also schdimmd do d’Azeig au ned ond i
muass zur azoigda Zeid oi Schdund drzua rechna. Eigedlich missed i auf oin Schlag alles omschdella, bevor i no irgedwann amoal sagrisch z’schbäd komm.
Abr ois isch gwieß: Es isch schee, obeds no a Schund mea Liachd zom Haba, em Gärdle schuddla zom Kenna, d’Beed fir da Salad ond Tomada her-zrichda. Wenn dia Zeid-omschdellung abgschaffd weard, hoff i dass se daured auf d’Sommerzeid om-schdelled... wenn ned, kosch em Sommer nemme lang draußa bleiba, em Biergarda hogga, ondrweags sei – ’s wär schad. Also hoff mer auf a Dauer-Sommerzeid, irgedwann amoal.

Kommentare

Anmelden um Kommentare zu schreiben

 


X