Wortschätzle 148 / Schee war’s, warm ond drogga

De Eisheilige dend de Schogladoir nix, de Pflänzla em Garda scho.

Dr Schnea isch des Oschdra ausblieba, ma konnd d’Oir draußa verschdegga, em hoha Gras, zwischa de Bliamla. Hoffedlich habd’s au elle Oir gfunda, denn do duad nianed a Baimle wagsa, des irgedwann Oirlikeer gfillde Schogladoir draga duad. Schee wärs ja scho, abr i hädd liebr dia mid Bläddrkrokant drinna, der wo allwei an de Zäh kleba duad, wo no Minudda schbädr no was drvo zwischa de Zäh rauszuzzla kosch. Abr de Hennaoir missad ir auch elle finda, schonschd duads em Garda bald oschea miffla.
Abr des mid deam warma Weddr kennd deischa. De Eisheilige send erschd Midde Mai, abr meine vorzogne Tomada däded scho naus wolla, ibrall en dr Wohnung auf de Fenschdrbänk schdanded Debfla mid Pflänzla rum – i han no nix naus gsedzd. Meine Gardanochbra nebaan, bei deana send Radiesla scho lang aufganga, Tomada send em Friabeed ond alle Beed send scho hergrichd. I ben a weng henda dra, abr i hol bald schnell auf.
Ond d’Sommerroifa missed au scho widdr auf d’Audos drauf, des nägschde Wochaend hab i gnuag zom doa – jeds Joar ’s selbe.

Kommentare

Anmelden um Kommentare zu schreiben

Neueste Kommentare

Ein echter STAR
2 Tage 18 Stunden
Schöne Gärten in Haunstetten ....
2 Tage 18 Stunden
Schöne Gartenzäune .... ein Streifzug ...
2 Tage 18 Stunden
Schöne Gärten in Haunstetten ....
2 Tage 23 Stunden
Mit offenen Augen durch die Natur gehen!
2 Tage 23 Stunden


X