Wortschätzle 149 / Edzd gaid’s da hiesige Schbargl

Da Schbargl ka ma doch zu faschd ellem essa.

Noch welchem Rezebd koched ihr da Schbargl?

Allaweil widdr dia gleicha Frog: Was gaid’s heit obed zom Essa? Aber seit a baar Wocha gaid’s, wia jeds Joar, a Aldrnadive zom Brod, zu de Nudla ond selligs Zeig fir a schnells
Obedessa. Edzd isch Schbarglzeit. Bei ons om Augschburg rum werd er ja it so abaud, aber driba em Boirischa, en dr Schrobahausner Geged, do isch er heifig. Do lohnd sich ’s Warda auf ’s hoimische Gmias, d’Importschdanga von de Schbanier ond Griecha muass ma ja it haba.
Er isch scho verdammd leggr, manche saged, dr weiße isch dr beschd, andre megad da greane liabr ond de negschde kaufed dr lilane Schbargl. Heit hab i en so am Hiddale neba dr Schdroß a Kilo vom Weißa kaufd, en dr Metzgerei no a Schdigg Rindfleisch drzua zom Broda. A baar Nudla hab i no drhoim ghed ond guad wars. Dr Schbargl han i akoched, dann en dr Pfann rausbroda ond karamellisierd. En dr Pfann han i dann mid am bissle Orangasafd a Seeßle gmachd, ’s Fleisch drweil en dr andra Pfann von boide Seida bei ra guada Hitz abroda on dann fir a baar Minudda bei 120 Grad ins Rohr gschoba. A brodner Knoblauch drzua, a grobs Salz ond frisch
gmoahlner Pfeffr driberd ... drfiar, dass a Wochadag war, bin i mir bei deam Obedessa scho wia am Wochaend vorkomma.
Wia meged ihr dr Schbargl am liabschda?

Kommentare

Anmelden um Kommentare zu schreiben

Neueste Kommentare

Ein echter STAR
2 Tage 17 Stunden
Schöne Gärten in Haunstetten ....
2 Tage 17 Stunden
Schöne Gartenzäune .... ein Streifzug ...
2 Tage 18 Stunden
Schöne Gärten in Haunstetten ....
2 Tage 23 Stunden
Mit offenen Augen durch die Natur gehen!
2 Tage 23 Stunden


X