Wortschätzle 171 / „Kaufe Ihr Auto, egal welcher Zustand!“

Dia Kärdla vo de Audohändler send groß wia Visidakarda ond schdegged meischd an de Seidafenschdr. Ganz nui: Se send edzd Wasserresischdend laminierd.

Luggabeidl sends wohl elle, dia ogfrogd so Kärdla an d’Audos schdeggad. Bschissa wearsch ibrall.

Es gaid a baar Sacha, dia mached mi echt wuadig. Komm i an da Blärrer na, wo dr ganze Dag mei Audo schdod,

siag i scho vo dr Weide, dass i widdr so an Zeddl an dr Fahrerdiar schdegga hab, wo so ogfähr drauf schdod: Egal wia dei Audo ausgugga

duad, egal wia ald, ob mid odr ohne TÜV – mir kaufed die Karre.

Vor a baar Joar han i a alds Auto verkaufa wolla, grad eba an so an Händler. Vo viere hab i d’Kärdla ghed ond agruafa. Dr Erschde: „Ich habe gerade genug Autos, nein, will ich nicht.“ Dr Zwoide: „Was für Auto? Auto nix gut,“ ond hod oifach aufglegd. Dr Dridde: „So ein altes Auto kann ich nicht gebrauchen.“ Midm Vierda hab i dadsächlich an Termin zom Audo Agugga ausgmachd, abr komma isch er ned, ab-gsagd hod er ned, aruafa hab i eam au nemme kenna. Wia mas erwarda duad: Em Audogschäfd san vill grumme Hund ondrweags, ond dia, dia daured ogfrogd Kärdla an d’Audofenschdr schdegga lossed, dia sodd ma all dia Kärdla mid dr Hand aufglauba lossa, dia romflagged. I glaub, ondr deane isch koi oizig Guadr drbei.

Des Neieschde isch edzd, dass se Kärdla macha lossed, dia beschichded send, damid se durch da Reaga ned so aufquelled ond längr lesbar send, nemme verrodded. Ma kennd dia Lumba au wega Omweldverschmudzong azeuga. Abr i glaub aufglauba lossa wär effegdivr. Muass i do edzd Polizei aruafa?

Weitere Bilder

Kommentare

Anmelden um Kommentare zu schreiben

Neueste Kommentare

Tullpen am Morgen
1 Tag 23 Stunden
oh wie alles blüht
1 Tag 23 Stunden
oh wie alles blüht
2 Tage 9 Minuten
Tullpen am Morgen
2 Tage 17 Minuten
Autofahrer ließ Reh nach Wildunfall liegen
2 Tage 12 Stunden


X